لو بتجهز شقتك أو بتفكر تجدد أوضة نومك أكيد فكرة إنك تعمل دريسنج روم تفصيل هتكون في بالك!
في المقال ده هنقولك على شوية نصايح عملية وأفكار تساعدك تختار التصميم المناسب، سواء كان المساحة كبيرة أو صغيرة

 اعرف مساحة أوضتك كويس

قبل ما تختار أي تصميم دريسنج روم، لازم تقيس المساحة كويس جدًا
فيه فرق كبير بين تصميم يناسب دريسنج روم صغير وتصميم تاني محتاج مساحة أكبر أو غرفة مستقلة

لو أوضتك صغيرة مفيش مشكلة فيه أفكار دريسنج روم صغيرة كتير تقدر تستغل بيها كل سنتيمتر بذكاء

أنواع تصميمات الدريسنج روم

فيه كذا نوع تقدر تختار منهم حسب المساحة

1. الدريسنج روم المفتوح (Open Dressing Room)

ده بيكون عبارة عن دواليب أو وحدات تخزين من غير أبواب، وممكن يكون جزء من أوضة النوم  مناسب للمساحات الصغيرة
,بيخلي الشكل عصري ومنظم بس محتاج دايمًا ترتيب علشان يفضل شكله حلو

2. الدريسنج روم المغلق (Closed Room) 

لو عندك أوضة إضافية أو مساحة كافية، تقدر تعمل غرفة ملابس مستقلة فيها  وتقدر تستخدم المرايات والإضاءة بحرية
بس محتاجة مساحة أكبر

3. الدريسنج على شكل حرف L أو U

ده من أفضل تصميمات دريسنج روم تفصيل، بيساعدك تستغل كل الحيطان والزوايا وبيستوعب كمية كبيرة من اللبس
وعملي جدًا في المساحات المتوسطة

اختيار الخامة بيأثر على شكل ووظيفة الدريسنج روم

لو بتحب الستايل العصري اختار دريسنج روم مودرن بألوان فاتحة ومرايات كبيرة و لو بتميل للكلاسيك الخشب الغامق والتقسيمات المزخرفة هتكون أنسب

ودي شوية نصايح تساعدك تختار صح

استغل الزوايا والأركان اعمل وحدات تخزين فيها

استخدم الإضاءة كويس السبوتات والمرايات بيفرقوا جدًا في الشكل والراحة

اعمل تقسيم داخلي ذكي أماكن للهدوم، الشنط، الأحذية و الإكسسوارات

حدد أولوياتك محتاج مساحة أكبر للهدوم ولا للجزامات؟

استعين بحد متخصص لو هتفصل عند حد، خليه يساعدك في رسم التصميم المناسب لمساحتك

الخلاصة

اختيار تصميم دريسنج روم يناسب مساحة أوضتك محتاج شوية تفكير ذكي لكن النتيجة دايمًا تستاهل
سواء المساحة كبيرة أو صغيرة دايمًا فيه حل ينفعك ويحققلك التنظيم والشياكة اللي نفسك فيها