لو ناوي تعمل مطبخ جديد، أكيد سألت نفسك

هو أنا إزاي أعرف السعر الحقيقي؟ وإزاي أضمن إني مش بتضحك عليّا؟

وده سؤال مهم جدًا لأن السوق مليان تفاصيل وأسعار مختلفة وممكن تلاقي فرق كبير بين شركتين على نفس التصميم 

فريق مهندسين “بيتك” هيعرفك إزاي تحسب سعر المطبخ بنفسك وتفهم البنود اللي لازم تركز عليها قبل ما تدفع جنيه واحد

 1/ اعرف الأول نظام التسعير 

أول خطوة

هل الشركة بتحسب بالمتر المربع؟ ولا بالوحدات؟

في نظام المتر المربع بتحسب مساحة المطبخ الفعلية علوي وسفلي بالمتر، وده أسهل وأوضح

          في نظام الوحدات بيتحسب عدد الضلف والأدراج وده ممكن يزود السعر بشكل غير متوقع مع كل تعديل بسيط

2 / افهم نوع الخامات بالتفصيل

كتير بيعرضوا سعر مغري بس من غير ما يوضحوا نوع الخامة أسأل دايمًا

          الخشب إيه؟

كونتر ولا شيب بورد أخضر ولا ام دي اف…

الطبقة الخارجية إيه؟

يوفي لاك ولا بولي لاك ولا جلوسي ماكس…

المفصلات والمقابض من نوع إيه؟

          هل الرخام داخل السعر ولا لأ؟

لأن مفيش معنى للسعر من غير ما تفهم هو على إيه بالضبط

3/ احسب المساحة الفعلية بنفسك

هات شريط القياس، وقيس

طول الوحدات السفلية (مثلاً 3 متر × ارتفاع 90 سم = 2.7 م²)

          طول الوحدات العلوية (مثلاً 3 متر × ارتفاع 70 سم = 2.1 م²)

يبقى إجمالي المتر المربع: 2.7 + 2.1 = 4.8 متر

لو سعر المتر مثلاً 5,000 جنيه، يبقى السعر الكلي = 4.8 × 5,000 = 24,000 جنيه

(ده بدون حساب الرخام أو الإكسسوارات)

4/ راجع البنود اللي بتفرق في السعر

رخام المطبخ داخلي في السعر؟ نوعه إيه؟

الأجهزة المدمجة داخلة ولا لأ؟

المفصلات سوفت كلوز ولا مفصلات هيدروليك بتتحسب لوحدها ولا من سعر المتر؟

لو عايز تعرف اكتر عن المفصلات دوس هنا

          الشحن والتركيب مجاني ولا بيتحسب علينا؟

 4/ ماتشتريش من غير ما تزور معرض

كتير من الشركات بتعرض صور حلوة لكن الجودة الحقيقة مش واضحة إلا لما تلمس وتشوف بعينك

اختار شركة لها معارض واضحة خدمة عملاء محترمة وناس بترد على كل استفساراتك

أخيرًا اسأل وتابع التفاصيل

اللي يفهمك تفاصيل تسعير مطبخك من غير لف ولا دوران ويحسب على مساحة فعلية ويقولك خامات بإسمها مش بكلمة “حاجة كويسة” هو اللي ترتاح له 

في شركات في السوق واضحة جدًا عندها نظام تسعير بالمتر بتشرحلك كل حاجة وبتديك ضمان حقيقي دور على الشركات دي وشوف تقييمات الناس اللي جربت قبل كده

الخلاصة

متخليش الشكل يغريك ولا السعر يغشك

افهم كويس واحسب بنفسك واسأل عن كل تفصيلة لأن المطبخ مش بس شكل ده استثمار هيعيش معاك سنين