لما تبدأ تدور على مطبخ جديد أول سؤال بيقابلك هو

أحسب السعر بالمتر المربع ولا بالوحدات؟

السؤال ده بيحيّر ناس كتير، وعلشان كده مهم تفهم الفرق بين النظامين، وإزاي تختار الأنسب ليك؟                       

في شركة “بيتك” إحنا بنشتغل بنظام المتر المربع، وده مش صدفة هنقولك ليه ده الأكثر شفافية وعدلًا ليك كمشتري 

أولًا: الفرق بين نظام المتر المربع ونظام الوحدات 

نظام المتر المربع

بيتحسب بناءً على المساحة الفعلية اللي بيتم تصنيعها من المطبخ سواء كانت ضلفة، درج، أو حتى وحدة مفتوحة

ده معناه إنك بتدفع على قد اللي هتستلمه فعلًا بغض النظر عن تقسيمة الضلفة أو شكل الوحدة

        نظام الوحدات

بيتحسب بناءً على عدد الوحدات يعني كل ضلفة أو درج أو وحدة علوي او سفلي بيتحسب لوحده وأحيانًا بيبقى فيه اختلاف في الأسعار بين الوحدات العلوية والسفلية أو بين الوحدات المفتوحة والمقفولة وده ساعات بيكون مربك ومش شفاف للعميل

ليه نظام المتر المربع في مصلحتك فعلاً؟

1/ شفافية كاملة في التسعير

في نظام المتر مفيش مفاجآت كل حاجة محسوبة وده بيخليك تعرف إنت بتدفع على إيه بالظبط من غير ما تتفاجئ بزيادات وقت التنفيذ 

2/ حرية التصميم من غير ما السعر يتغير 

لو عايز تغيّر شكل التقسيم الداخلي للوحدة أو تضيف درج بدل ضلفة  السعر ما بيتغيرش، لإنك بتدفع على حسب المساحة مش حسب نوع الوحدة 

3/ أدق في حساب التكلفة الحقيقية 

المتر المربع بيحسب كل تفصيلة بدقة الظهر، القاعدة، الضلفة، كل حاجة داخلة في التصنيع. مش بس الشكل الخارجي 

4/ تقييم أسهل عند المقارنة بين الشركات 

لما تعرف سعر المتر بوضوح تقدر تقارن بين الشركات بسهولة بشرط إنك تتأكد من نوع الخامات والتقفيل والخدمة بعد البيع، مش السعر بس

الخلاصة 

لو بتفكر في مطبخ جديد اسأل دايمًا

النظام اللي الشركة بتحاسبني عليه هيخدمني؟ ولا هيكلفني أكتر من اللي هستفيده؟

نظام المتر المربع هو الاختيار الأذكى، وده اللي بنشتغل بيه في بيتك علشان نضمنلك أفضل قيمة مقابل استثمارك