ليه السعر الرخيص في المطابخ بيكلفك أكتر على المدى الطويل؟

كتير من الناس لما بيجوا يختاروا مطبخ جديد بيبقوا مركزين على السعر أكتر من أي حاجة تانية وده طبيعي، خصوصًا مع ارتفاع الأسعار لكن خلينا نوضحلك حاجة مهمة اختيار مطبخ بسعر رخيص جدًا ممكن يكلفك أضعاف على المدى الطويل وده مش مجرد كلام دي تجارب ناس كتير وده بسبب 4 نقاط 

1- خامات ضعيفة = صيانة مستمرة

لما تختار مطبخ بخامات ضعيفة علشان توفر في الأول هتتفاجئ إن الأبواب بتفك المفصلات يتبوظ بسرعة والرطوبة بتأثر على الخشب وكل شوية هتضطر تصلّح أو تغيّر قطعة،

يعني تكلفة إضافية مستمرة

2- التعامل مع الشركات اللي ملهاش سمعة = خدمة بعد البيع صفر

في شركات كتير بتقدم أسعار مغرية جدًا، لكن أول ما يتم التسليم تكتشف إن فيه مشاكل كتير ولما تيجي تكلمهم؟ مفيش رد أو يقولك إحنا مش مسؤلين بعكس الشركات المحترفة اللي عندها سمعة كويسة وبتقدم ضمان حقيقي وخدمة عملاء دايمًا متاحة

3- تصميم غير عملي = تعب يومي

حتى لو السعر كان حلو لكن التصميم مش مدروس هتتعب كل يوم في استخدام المطبخ أدراج مش بتنفع أماكن تخزين مش كفاية أو أجهزة مش لاقيه مكانها وده بيخلي تجربة المطبخ مزعجة جدًا بدل ما تكون مريحة 

4- إعادة الشغل = تكلفة مضاعفة

ناس كتير بعد سنة أو سنتين بيضطروا يرمموا المطبخ أو يغيروه تمامًا لأن اللي اتنفذ مكانش بالجودة المطلوبة يعني بدل ما تدفع مرة واحدة، دفعت مرتين

الخلاصة

لما تيجي تختار مطبخك، متخليش السعر هو العامل الوحيد اللي بتحكم ركّز على جودة الخامات، سمعة الشركة، التصميم العملي، وضمان ما بعد البيع لأن في الآخر، الاستثمار في مطبخ عالي الجودة هو توفير على المدى الطويل

لو بتفكر تعمل مطبخ جديد اسأل نفسك: هل هدفع مرة واحدة صح؟ ولا هدفع كتير بعدين بسبب الاختيار الغلط؟