المملكة العربية السعودية
ايه الفرق بين خامات المطابخ؟
الفرق بين خامات المطابخ؟ وايه الفرق بين الشيب بورد الأخضر والكونتر؟
لما تيجي تصممي مطبخ جديد، أول خطوة مهمة هي اختيار الخامة المناسبة، كتير من الناس بتحتار بين خامتين منتشرين في السوق وهما الكونتر والشيب بورد الأخضر
خشب الشيب بورد الأخضر
لونه بيكون أخضر فاتح بسبب المعالجة
وسهل في التقطيع والتشكيل
أرخص شوية من الكونتر
مناسب للمطابخ الاقتصادية أو الاستخدام الخفيف
الكونتر (الخشب الكونتر)
مصنوع من طبقات خشب طبيعية مضغوطة، وده بيخليه أقوى
وبيستحمل الرطوبة والصدمات بشكل أفضل
وعمره الافتراضي أطول
مناسب أكتر للمطابخ العملية والمليانة حركة
إزاي تختاري الخامة المناسبة للمطبخ؟
اختيار خامة المطبخ مش بس قرار شكلي، ده قرار بيعتمد على 3 عوامل رئيسية
1- استخدامك اليومي
هل بتطبخي كل يوم؟ ولا المطبخ استخدامه خفيف؟
لو الاستخدام كثيف لازم تختاري خامة قوية زي الكونتر
وأهم حاجة في الاستخدام الكثيف هي اختيار المفصلات لو عايزة تعرفي أكتر عن المفصلات دوسي هنا
الميزانية
حددي ميزانيتك من الأول، واشتغلي على أساسها
الشيب بورد الأخضر هيكون حل كويس في البداية، بس مهم تعملي حساب الصيانة
المكان والرطوبة
في مناطق فيها رطوبة عالية زي الساحل، الأفضل خامات تتحمل
المياه زي الكونتر أو HPL عالي الجودة
ليه الشكل لوحده مش كفاية؟
كتير من العملاء بيختاروا المطبخ على أساس الشكل بس، وده خطأ شائع لأن
ممكن تختاري تصميم شيك جداً، لكن خامته تبوظ بسرعة
الجمال مهم، بس الأهم إنه يعيش ويستحمل
المطبخ استثمار طويل المدى فلازم خامته تكون مناسبة لطريقة استخدامك
الخلاصة
الشكل مهم بس الجودة هي الأساس متخليش المظهر يخدعك وتندمي بعد سنة أو اتنين