هستخدم مفصلات إيه؟ وإيه الفرق بين الأنواع؟

سؤال شكله بسيط لكن الإجابة عليه ممكن تفرق كتير في عمر المطبخ وجودة استخدامه فريق مهندسين “بيتك” هتشرحلك كل حاجة عن مفصلات المطابخ وهنساعدك تختار الأفضل ليك سواء كنت بتدور على الجودة أو الميزانية

يعني إيه مفصلات مطبخ؟

مفصلات المطبخ هي الأجزاء المعدنية اللي بتربط بين ضلفة الدولاب وجسم الوحدة، من غير المفصلات الضلفة مش هتفتح أو تقفل ومن غير مفصلات كويسة هتبدأ تسمع أصوات مزعجة أو تحس إن الضلفة مش ثابتة علشان كده اختيار أفضل مفصلات للمطابخ مش رفاهية ده أساس في تصميم أي مطبخ عملي ومريح

أشهر أنواع مفصلات المطابخ

1/ المفصلات العادية (Standard Hinges)

• بتشتغل بشكل جيد في البداية لكن مع الوقت والاستخدام الكتير بتبدأ تعمل صوت خبطة عند القفل
• مش هتكون أنسب اختيار لو الاستخدام اليومي تقيل 

2/ مفصلات سوفت كلوز (Soft Close Hinges)

• النوع ده بقى الأكثر انتشارًا في المطابخ الحديثة
• بتقفل الضلفة بنعومة ومن غير صوت
• بتقلل من استهلاك المفصلات وبتطوّل عمرها
• آمنة للأطفال وبتمنع خبط الأيدين
• بنستخدمها كـ ستاندرد في مطابخ “بيتك” لأنها بتوفر راحة وجودة على المدى الطويل

3/ مفصلات ماركات عالمية (Indaux – Blum)

• الشركات دي بتقدم مفصلات قوية بجودة عالية
• أداء ممتاز في الفتح والقفل حتى بعد سنين استخدام
• بيكون معاها ضمان رسمي من “بيتك” بيوصل ل 35 سنة
• مثالية لو بتدور على مطبخ يعيش سنين من غير مشاكل

 إزاي تختار مفصلات المطبخ المناسبة ليك؟

• لو الميزانية محدودة المفصلات العادية تنفع كبداية لكن لازم تكون عارف إنها هتحتاج صيانة أو تغيير أسرع من غيرها
• لو بتدور على الراحة وجودة تدوم اختار مفصلات سوفت كلوز من براند معروف علشان تضمن أداء ثابت وأمان لعيلتك
• لو مطبخك كبير وفيه درف كتير لازم تختار مفصلات قوية مُجربة من عملاء تانيين وماتضحّيش بجودة المفصلات لأنها أساس راحة استخدام المطبخ

ليه بنستخدم مفصلات سوفت كلوز في “بيتك”؟

إحنا في بيتك مؤمنين إن المفصلات الهيدروليك أو الـ Soft Close مش مجرد رفاهية دي جزء أساسي من جودة المطبخ علشان كده بنركبها في كل مطابخنا كـ ستاندرد لأنها

• بتديك راحة يومية
• بتحافظ على الضلف من الخبط والتلف
• بتطوّل عمر المطبخ بشكل عام

الخلاصة

اختيار نوع المفصلات المناسب لمطبخك بيأثر بشكل مباشر على الراحة والجودة وعمر المطبخ ما تستهونش بتفصيلة صغيرة زي دي لأنها من أكتر الحاجات اللي بتستخدمها يوميًا

لو لسه محتار خبراء “بيتك” جاهزين يساعدوك في اختيار أفضل مفصلات مطبخ مناسبة لاستخدامك وميزانيتك

دوس هنا واحجز معاينة لبيتك!