في الفترة الأخيرة، تصميم المطبخ المفتوح بقى واحد من أهم صيحات الديكور في البيوت الحديثة وعلشان كده كتير من الناس بتسأل
“هل المطبخ المفتوح مناسب لكل بيت؟”
في المقال ده هنتكلم مع بعض عن مميزات وعيوب المطابخ المفتوحة وكمان شوية نصائح مهمة قبل ما تختار التصميم المناسب لبيتك

إيه هو المطبخ المفتوح؟

المطبخ المفتوح يعني إن المطبخ بيكون متصل بشكل مباشر بغرفة المعيشة أو السفرة من غير وجود حوائط فاصلة
التصميم ده بيدي إحساس بالوسع والانسيابية وكمان بيخلي شكل البيت عصري وأنيق

مميزات المطبخ المفتوح

1- إحساس أكبر بالمساحة

 لما المساحات تكون مفتوحة على بعض، بتحس إن البيت أوسع وأريح

2-تواصل أفضل مع العيلة والضيوف 

 تقدر تتكلم مع الموجودين وانت بتطبخ أو بتحضر الأكل

3-إضاءة طبيعية أقوى

 الإضاءة بتنتشر بشكل أفضل في المساحات المفتوحة

3-ستايل مودرن وعصري

 بيدي للبيت شكل أنيق ومواكب للموضة

4-حل عملي للشقق الصغيرة

 بيساعد في استغلال المساحات بأفضل طريقة ممكنة

عيوب المطبخ المفتوح

في المقابل فيه شوية تحديات لازم تكون عارفها قبل تنفيذ تصميم مطبخ مفتوح

1- انتشار الروائح

ريحة الأكل بتنتقل بسهولة لباقي البيت، خاصة لو مفيش شفاط قوي

2- قلة الخصوصية

 كل حاجة بتحصل في المطبخ بتكون مكشوفة للكل

3- ظهور الفوضى

 أي كركبة أو مواعين بتكون باينة وواضحة للضيوف 

4- اهتمام أكبر بالديكور

 لازم يكون فيه تنسيق كامل بين شكل المطبخ وباقي البيت

نصائح مهمة قبل تنفيذ مطبخ مفتوح

لو ناوي تعمل مطبخ مفتوح خد بالك من النصايح دي لازم تختار شفاط قوي وعالي الجودة علشان تقلل مشكلة انتشار الروائح وحافظ دايمًا على ترتيب ونظافة المطبخ وتخلي ديكور المطبخ متناسق مع غرفة المعيشة أو السفرة 

الخلاصة

هل المطبخ المفتوح مناسب لكل البيوت؟
الإجابة بتعتمد على أسلوب حياتك واحتياجاتك
لو بتحب المساحات المفتوحة، التواصل مع العيلة، والستايل العصري، فالمطبخ المفتوح هيكون مناسب جدًا ليك
أما لو الخصوصية والنظام أولويتك ممكن يكون المطبخ المغلق أنسب ليك